Digwyddiadau Chwefror, 2012

Canolfan Adnoddau Dysgu Coleg Iâl yn croesawu arddangosfa genedlaethol

Categori:

Hoffech chi weld iwcalili a wnaed o hen lyfr llyfrgell? Neu beth am edrych ar lyfrgelloedd Trwy Lygaid Dylan Thomas? Dyma eich cyfle i weld arddangosfa Mynegwch eich Hun yng Nghanolfan Adnoddau Dysgu Coleg Iâl, Wrecsam rhwng 1 a 29 Chwefror 2012.

Cystadleuaeth gelf genedlaethol i lyfrgelloedd oedd Mynegwch eich Hun a anogodd bobl o bob oed i ddangos eu doniau creadigol ar thema “Llyfrgelloedd”. Rhoddwyd rhyddid iddynt i ddewis unrhyw ddull gan gynnwys ysgrifennu creadigol, dawns, drama, cerdd, animeiddio, paentio, ffotograffiaeth, darlunio neu gerflunio. Dewiswyd yr enillwyr o amrywiaeth o gategorïau gan gynnwys ysgolion cynradd ac uwchradd, sefydliadau academaidd, mudiadau cymunedol ac unigolion.

Dewiswyd y deunaw terfynol ynghyd â thri â chymeradwyaeth uchel o dros 1600 o ymgeision, a dywedodd yr actores a’r awdur Ruth Jones mewn seremoni wobrwyo yn y Senedd: “Mae’r creadigrwydd a’r dychymyg a welir ym mhob categori yn anhygoel; byddent yn siŵr o fy ysbrydoli i fynd i’r llyfrgell! Byddwn yn annog pawb i fynd i weld yr arddangosfa wych hon.”

Mae ymwelwyr â’r arddangosfa wedi bod yn awyddus i rannu eu barn –

“Arddangosfa greadigol iawn – yn enwedig y llyfrau lluniau, mwynheais y ffilmiau fideo!”

“Ffrwydrad o syniadau. Mae’r gwaith amryddawn ac ysgogol yn gyfareddol ac wedi ei ddatblygu’n dda.”

Gellir gweld yr holl ymgeision buddugol ynghyd â ffilmiau o’r buddugwyr yn cael eu gwobrau ar librarywales.org.

Am ragor o wybodaeth ar yr arddangosfa, cysylltwch â Joanne Stewart, Canolfan Adnoddau dysgu Coleg Iâl neu ewch at visit librarywales.org.

Manylion cyswllt: Joanne Stewart 01978 317302 (.(JavaScript must be enabled to view this email address))

Map